Landsvirkjun starfrækti árið 2013 þrettán vatnsaflsstöðvar, tvær jarðvarmastöðvar og tvær vindmyllur víðs vegar um landið á fimm starfssvæðum. Sextánda aflstöðin, Búðarhálsstöð, var tekin í fullan rekstur í mars 2014. Við rekstur aflstöðva er lögð áhersla á heildræna sýn þar sem ráðdeild, áreiðanleiki og sambýli starfseminnar við umhverfi og samfélag eru höfð að leiðarljósi.

Íslendingar vinna 99% allrar raforku með endurnýjanlegum orkugjöfum. Landsvirkjun vinnur þrjá fjórðu hluta þessarar orku, að langmestu úr vatnsafli en einnig jarðvarma og vindi. Heildarorkuvinnsla fyrirtækisins árið 2013 var 12.843 GWst.